ಎಂದು ಬರುವನೋ ರಾಮ
ಎಂದು ಬರುವನೋ ರಾಮ ಮಾಯೆಯಾ ಮನೆ ಕಡೆಗೆ ನನ್ನ ಮನವನು ತಣಿಸಲು ನನ್ನ ಜನರ ಸಲಹಲು ಜಗವೆಲ್ಲ ಬೆಂದಿಹುದು ರಾವಣನ ಧಗೆಗೆ ಜನರೆಲ್ಲ ಸೋತಿಹರು ದುಷ್ಟನ ಭಯಕೆ ತಮದೊಳು ಬೆಳದಿಹನು ಆ ರಕ್ಕಸ ತಮವು ಆವರಿಸಿಹುದು ಈ ಮನಸ ವಿಕೃತಿಯು ಕುಣಿದಿಹುದು ಈ ಪ್ರಕೃತಿಯೊಳಗೆ ಪ್ರಕೃತಿಯು ನೊಂದಿಹುದು ಈ ಮಾಯೆಯೊಳಗೆ ಆರ್ಭಟಿಸುತಿಹುದು ನನ್ನೊಳಗೆ ಆ ಧೈತ್ಯನಾ ಕೂಗು ನಡುಗುತಿಹುದು ನನ್ನೆದೆ ಆ ಘೋರ ಘರ್ಜನೆಗೆ ಅಡಗಿ ಹೋಗಿದೆ ಸಾತ್ವಿಕತೆಯ ಕೂಗು ವಿಜೃಂಬಿಸಿದೆ ಅವಸಾನದ ಹಾಡು ಎಂದು ಬರುವನೋ ರಾಮ ಈ ದುಷ್ಟನಾ ಅಳಿವಿಗೆ ನಾಂದಿಯನು ಹಾಡಲು ಎಂದು ಕರುಣಿಸುವನೋ ರಾಮ ನನ್ನ ನಾ ಕಾಣಲು ಬೇಡುವೆನು ರಾಮನ ರಾವಣನ ಅಂತ್ಯಕೆ ಮಾಯೆಯ ಈ ಜಗದ ಉಳಿವಿಗೆ ದಯತೋರು ರಘುರಾಮ ಯೋಗಿಯ ಪಥದೆಡೆಗೆ ದಯತೋರು ರಘುರಾಮ ಮುಕ್ತಿಯಾ ಬ್ರಹ್ಮನೆಡೆಗೆ