Posts

Showing posts from December, 2013

ತೇರಿನಾ ಜಾತ್ರೆ

ಕನಸುಗಳ ಸಂತೆಯಲಿ
ಕಳೆದುಹೋಗುವ ಕನಸಾಗದಿರು ನೀನು
ನನ್ನ ಒಲವಿನೂರಿನ   ಜಾತ್ರೆಯಲಿ
ಪ್ರೀತಿ ಹೊತ್ತು ಸಾಗುವ ತೇರಾಗು

ಪಯಣದ ಹಾದಿಗೆ ಕೊನೆಯೊಂದೇ ಮರಣವು
ಎಳೆದು ಸಾಗುವವು ಕಾಲದ ಸೆಳೆತವು
ಹೊತ್ತು ಸಾಗುವೆ ನಿನ್ನ ರಾಜವೀದಿಯಲಿ ನಾನು
ಧಿಕ್ಸೂಚಿಯಾಗಿಹುದು ಕಲ್ಲು ಮುಳ್ಳಿನ ಪಾಠವು

ಗುಡಿಯೊಳಗೆ ಬೆಳಗಿಹುದು ಪ್ರೇಮದ ಬೆರಗು
ಉತ್ಸವವ ಹೊರಟಿಹುದು ಪ್ರೀತಿಯ ಬೆಳಗು
ಬೆಳಗಿನ ಬೆಳಕಿನೊಳು ಜಗವೆಲ್ಲ ಹೊಳಪು
ಓಡಿಹುದು ಕಪ್ಪು, ಊರಿನಾ ಹೊರಗೂ

ನೀಗೂಡಿದರೆ ಸಂಭ್ರಮದ  ಜಾತ್ರೆಯೋ
ಇಲ್ಲವದುವೆ ಮಸಣದ ಮೆರವಣಿಗೆಯೊ
ನಿನ್ನ ಪ್ರೀತಿಯ ಸುಧೆಗೆ ಕಾದಿರುವ ಹಂಸಪಕ್ಷಿಯೋ ನಾನು
ತುಂಬು ಪ್ರೀತಿಯ  ಕೊಡುವ ತಾಯಾಗು ನೀನು
ಸಂಜೀವಿನಿಯ ಈಯುವ ತಾಯಾಗು ನೀನು