ಪ್ರೀತಿಯ ಮಳೆ
ಸುರಿಯುತಿರುವ ಈ ಜಡಿ ಮಳೆಯು ಕೆದುಕುತಿಹುದು ಮನವೆಂಬ ಜಲಾಶಯವ
ಹುಟ್ಟುವ ಭಾವನೆಗಳೆಷ್ಟೋ,ಬರುವ ಯೋಚನೆಗಳೆಷ್ಟೋ,ಈಡೇರುವ ನೆನಪುಗಳೆಷ್ಟೋ,
ಈ ಸಂಭ್ರಮದಲಿ
ಮರೆಯಲಾರದ ನನ್ನವಳ ನೆನಪುಗಳೆಷ್ಟೋ ಆಡಿದ ಪಿಸುಮಾತುಗಳೆಷ್ಟೋ,
ತೀರದ ದಾಹವ ತಣಿಸಲು ಮೀಯಬೇಕು ಇನ್ನು
ಈ ಮಳೆಯಲಿ ಮಳೆಯ ಸಿಂಚನದಲಿ
ಜೀವನ ಜಾತ್ರೆ
ನೆಡೆಯುವಾಸೆಕಣೆ ಹುಡುಗಿ ನಿನ್ನ ಕಿರುಬೆರಳ ಕೊಂಡಿಯನೊಡಗೂಡಿ ಈ ಜಂಗುಳಿಯ ನಡುವೆ ಅಪರಿಚಿತರು ಇವರೆಲ್ಲ ಚಿರಪರಿಚಿತಳು ನೀನು ಕುರುಡು ಕಾಂಚಣದ ವ್ಯಾಪಾರಿಗಳ ನಡುವೆ ಕುರುಡು ಪ್ರೀತಿಯ ವ್ಯಾಪಾರಿ ನೀನು ಇಬ್ಬರೊಡಗೂಡಿ ಕಳೆದು ಹೋಗುವ ಈ ಜಾತ್ರೆಯೊಳು ಬೆರೆತು ಕರಗುವ ಈ ಸಂತೆಯೊಳು. ರಾಜವೀದಿಯೊಳು ಪ್ರೀತಿಯಾತೇರು ಎಳೆದುಸಾಗುವ ನಾವು ಹಗ್ಗ ಒಂದನು ಹಿಡಿದು ಪ್ರೀತಿ ಮರಳಿ ಗರ್ಭಗುಡಿ ಸೇರಲು ಮುಂದೆ ಸಾಗುವ ನಾವು ಕರ್ಮ ಬುತ್ತಿಯಹೊತ್ತು ನಿನ್ನ ದಾರಿಗೆ ನೀನು ನನ್ನ ದಾರಿಗೆ ನಾನು
Comments
Post a Comment