ಜೀವನ ಜಾತ್ರೆ

ನೆಡೆಯುವಾಸೆಕಣೆ ಹುಡುಗಿ

ನಿನ್ನ ಕಿರುಬೆರಳ ಕೊಂಡಿಯನೊಡಗೂಡಿ

ಈ ಜಂಗುಳಿಯ ನಡುವೆ

ಅಪರಿಚಿತರು ಇವರೆಲ್ಲ

ಚಿರಪರಿಚಿತಳು ನೀನು

ಕುರುಡು ಕಾಂಚಣದ ವ್ಯಾಪಾರಿಗಳ ನಡುವೆ

ಕುರುಡು ಪ್ರೀತಿಯ ವ್ಯಾಪಾರಿ ನೀನು

ಇಬ್ಬರೊಡಗೂಡಿ ಕಳೆದು ಹೋಗುವ

ಈ ಜಾತ್ರೆಯೊಳು

ಬೆರೆತು ಕರಗುವ ಈ ಸಂತೆಯೊಳು.

ರಾಜವೀದಿಯೊಳು ಪ್ರೀತಿಯಾತೇರು 

ಎಳೆದುಸಾಗುವ ನಾವು ಹಗ್ಗ ಒಂದನು ಹಿಡಿದು

ಪ್ರೀತಿ ಮರಳಿ ಗರ್ಭಗುಡಿ ಸೇರಲು

ಮುಂದೆ ಸಾಗುವ ನಾವು ಕರ್ಮ ಬುತ್ತಿಯಹೊತ್ತು

ನಿನ್ನ ದಾರಿಗೆ ನೀನು ನನ್ನ ದಾರಿಗೆ ನಾನು